بقيت نبوسها ونعنقها وحتى هي مواح عليك أ هناء توحشتك بزاف (هدى كانت أعز صديقة عندي وقرات معيا من الاولى إعدادي وحتى هاذ العام جات معايا فنفس القسم حت نفس الشعبة علوم)..انا:صافي أصاحبتي وزيدي ندخلوا لنتعطلوو.دخلنا والأستاذ باقي مجاش شوية القسم عمار بتلاميذ ودخل الأستاذ وكانت المفاجأة بلي هو مازال صغير بزاف وزوين بلاتي نوصفوا ليكم(هو كان بيض وطويل وعندو جسم رياضي غزال وعنيه خضرين بحالي وشعرو زعر كي مهند ههه وكان هذا هو أول عام ديالوا باش يقري كانت عندو 25سنة)انا ماتسوقتش ليه ولكين صاحبتي هدى بقات غا كتشوف فيه عجبها بزاف شوية أنا نقرصها ونقوليها بركة عليك أصاحبتي شوهتينا 







راكي كليتي الأستاذ بعينيك.هدى:خليني ا هناء واش ماكتشوفيش شحال زوين بزاف إنعل بو رجال فين إبانو قداموا تبارك الله عليه وصافي.انا:ههه صافي صافي سكتي المسطية خلينا من لبسلات حنا راه جايين نقراو مجاينش نضحكوا.داك نهار داز زوين بزاف وحنا من أستاذ لأستاذ ودازو ليام وتعرفت انا وهدى على تلاميذ القسم لمعانا.وكنا ديما كندخلوا عند الأستاذ أمين حيت كنا دايرين علوم وهو كايقري الرياضيات أنا كنت كنقرى مزيان وكنت ديما الأولى وحتى هاد العام كنت مصممة نجي أنا الأولى ونفرح حبيبي بابا بيا مرة أخرى مهم دخلنا قرينا رياضيات وكان الأستاذ المادة ضريف بزاف ومتفهم معانا صراحة كان كيعجبني بزاف.صلات لحصة وبغيت نخرج وهو يعيط ليا الأستاذ أمين.هناء بلاتي شوية.أنا نعم ا استاذ بغيتي شي حاجة انا مني عيط ليا بقيت كنترعد خفت لنكون مادرت والو فالإمتحان عندو وكانقول مع 

قصة بعنوان «نهاياتي وجنون حبيبي»**

راسي هذا مالو معيط ليا.

أمين:سلام هناء لباس.أنا:الحمدالله ونت.أمين مني نتي لباس راه حتى أنا أنكون لباس هو بدا كيضحك وأنا حشمت او وليت حمرة كي ماطيشة بهدرتوا زعمة راني كنحشم ههههه.أنا:نعم أ أستاذ بغيتي شي حاجة.أمين:هناء بلا رسميات مني نكونوا بوحدنا قولي لي غا أمين صافي أنا حشمت وقالت ليه واخا أأس اودي أمين هو كيضحك وهو يقولي بلي راه كاينة واحد الجمعية زوينة كتهتم بطلابة المشتهدين بحالي وفيها دروس وانشطة مهمة بزاف لينا وقالي نقولها حتى لصاحبتي هدى أنا قلت ليه واخا وقلت ليه بسلامة خاصني نمشي تعطلت بزاف على بابا حيت أيكون كيتسناني قدام باب ثانوية.هو اوكي واخا يلاه بسلامة وتهلاي فراسك انا شكرا أستاذ.صافي أنا مشيت ولقيت بابا كيتسناني ركبت طوموبيل وسلمت عليه ومشينا لدار وصلنا دار نزلت ومشيت نوجد شي حاجة ناكلوها حيت أنا ماكنتش قارية لعشية الحمدالله أنا حطيت المكلة وعيطت لبابا وعاودت ليه شنو قالي الأستاذ ديالي على الجمعية وأنا صراحة ماكنتش نخبي على باباتي والو هو شجعني وقالي غاسيري إلا عجبتك وتسجلي فيها وانا نخلص تكاليف انا اوك  بابا لمهم كلينا وجمعت طبلة وخملت دار من بعد دزت على هدى ومشينا لحمام دارنا واحد لالة تكسيلة منعاودش لكم ههه رجعنا والغد ليه كان يوم الأحد دزت على هدى ومشينا لجمعية ولقينا الأستاذ أمين تمه حيت هو المسؤل عليها فرح بينا بزاف ورحب بينا وحنا عجبنا لحال بزاف وقررنا نتسجلوا فيها حنا ولينا كنمشيوا لجمعية كل عشية أنا وهدى وتقربنا بزاف الأستاذ أمين كان ضريف ومتفاهم معانا كنت كنحس بلي عندنا أفكار متشابهة وفيما كانجي لجمعية كتكون بنتنا نظرات طويلة بناتنا بحال عينينا كتهظر بلاصتنا بقى هاذ الوضع هاكة حتى قرب يسالي العام حتى الواحد نهار كانت عندي العشية خاوية وقررت نمشي لجمعية دزت على هدى ومالقتهاش قالتلي ماماها بلي مشات مع ختها مهم مشيت بوحدي الجمعية ولقيت الباب محلول دخلت مالقيت تاواحد شوية أنا نسمع شواحد جاي مشيت نطل نشوف شكون لقيت بلي الأستاذ أمين هو لجاي أنا خفت بزاف هو شافني وقالي هناء أش كديري هنايا انا:والو غامليت فدار وقلت نجي الجمعية ساعة تاواحد مكاين.أمين:واش ماعرفتيش راه اليومة ماغاديش إجي تاوحد وراني قلتها لهدى تعلمك أنا:اه راه واقلة نسات امين:ممكن.انا اوك أستاذ نخليك نمشي بحالي وبغيت نخرج.شوية صاحبنا أمين ههه شد ليا يدي وماخلانيش نخرج أنا خفت بزاف وبزز كتخرج الهدرة من فمي.وبقيت كنقوليه وأنا كنتفتف شنو كادير بعد مني خليني نمشي وأنا كنهدر وأنا خايفة حتى شدني تكاني على الحيط وبقى كيبوس فيا وحط يدو على خصري وبدا كيقولي هناء راني كنبغيك وباغي تكوني ليا راه من نهار شفتك وأنا مغرم بك وكنت كنتسنى غانهار المناسب وأنا ترخيت ومشيت معاه وعجبني الحال بزاف حيت كان شعور زوين بزاف 











أنا كنت خايفة حيت أول مرة شواحد كيقصني شوية بديت كنفيق من الحلم وكنحس براسي ودفعتوا وكنغوت عليه أش هادشي كادير حترم راسك وأنا بقيت كنضربو فصدرو وكنبكي والخنونة كتخرج فنيفي يع يع هههه وكنقوليه كفاش تجرأتي حتى تبوسني وأنا ماعمر شواحد قربلي ولا قالها ليه راسو وأنا نهرب ومشيت الدار الحمدالله ماكانش بابا دخلت لبيتي وبقيت كنفكر فهادشي لوقع حتى داني نعاس.  صباح حسيت براسي عيانة وماقديتش نمشي القراية بابا تخلع عليا بزاف ومابغاش إخليني ويمشي الخدمة ولكن انا اصريت عليه باش يمشي الغد ليه داني عند طبيب وخرج ليا الدواء وطمن بابا عليا وقاليه بلي مابها والو وبلى ماتخاف عليها راها لباس غا خاصها تبقى ترتاح وتاكل مزيان بابا فرح حيت مابيا والو ورجعنا لدار بابا مشا الخدمة وخلاني بوحدي فدار أنا مليت وخرجت لبحر نبدل الجو وجلست فبلاصة بوحدي كنتأمل وكنفكر فأمين حيت ماقديتش نساه داز نهار ورجعت لدار قبل مايجي بابا ونعست الغد ليه لبست حوايجي وبغيت نمشي نقرا وقالي بابا بلاتي نوصلك قالتليه اوكي مشينا ودخلت وكان عندنا الرياضيات تمه دخلت وكان امين فلقسم وبقى كيشوف فيا وكيتأمل بحال بغى يقولي شي حاجة ولكن ماقدرش أنا كانتجاهلو وحتى المشاركة ديال القسم مابقتش كنشارك دازو ليام وحنا على هاديك الحالة حتى لواحد نهار قررت نمشي البحر وجلست في نفس المكان كنتأمل في الأمواج شوية كنحس بشي واحد حط يدو فوق كتفي دارت لقيتو أمين أنا غابقيت كانشوف فيه وهو كذلك بقينا على ذاك الحال 10دقائق حتى نطق وقالي واش ممكن نجلس معك قلت ليه تفضل ودار عندي وقالي هناء سمحلي على داك نهار انا تزربت مكانش عليا ندير هكاك ولكن أ هناء راه والله حتى كنبغيك أنا بقيت ساكتة وهو يقولي أنا ماغاديش نبزز عليك شي حاجة مابغيتهاش ولكن أنا راه كنبغيك وكانوعدك مانعاودش نهدر معاك مزال إلى مابغيتيش ناض باش يمشي وشديت ليه يدو وقلت ليه ماتمشيش راني حتى أنا كنبغيك من نهار وليت كنجي الجمعية هو يبتسم وقالي حشومة عليك عذبتني معك وأنا بقيت كنضحك هههه وقاتليه المقولة شهيرة ديالنا لبغى العسل إصبر على قريص نحل وهو يضحك وقالي راني صابر عليه شحال هادي أحبيبة المهم بقينا كنتعودو على راسنا وعاودتليه على راسي وعلى بابا وبلي غاهو لعندي فدنيا وهو يسولني وقالي واش كتبغي باباك بزاف انا ضحكت وقالت ليه أه وكتر من راسي بلا بيه مانبقاش عايشة عنقني وباسني فوق راسي وعاودلي على راسو وبلي هو مقطوع من الشجرة او والديه ماتو مني كان صغير وبلي عموا لرباه ولكن مات الله يرحموا وبلي بصعوبة كبيرة باش وصل الهاد الخدمة ليفيها دابا انا بقى فيا بزاف وبقيت كنونسوا المهم ناضنا او وصلني لدار وقبل مايمشي قالي فودنية كنبغيك بزاف اهناء مانقدرش نعيش بلى بيك وقلت ليه حتى أنا المهم خدا رقم ديالي باش إهدر معايا وصل ليل وانا فبيتي بقيت غا شادة تيلفون كنتسنى امين إصوني عليا شوية بدا كيصوني وقلبي بدا كيضرب.  شديتو وجاوبتو بحنان كبير وبقيت كنهضر معاه لليل كاملة حتى ماعقتش براسي ونعست وخليتوا مشيت الغد ليه قريت وكانت داخلة عندو هو فأخير ساعة 5/6دخلت وبقى غاكيشوف فيا ولكن مابغاش إعيق قدام تلامذ باش مايقولوش ليه كايدير الفرزيات أصلان كان داخل القسم كيعاملني تلميذة بحالي بحال تلامذ لخرين لا أكثر مهم السنة الدراسية كملات وأمين قرر إجي يطلب إيدي من عند بابا المهم جا أمين الدار وهدر مع بابا وقاليه بلي موافق ولكن بشرط إسولني ويشوف الجواب ديالي عيط لي بابا ولقيت أمين جاي مع واحد الأستاذ صاحبو ومراتو وسولني بابا وانا حشمت وحنيت راسي وأمين كيضحك أنا مشيت لبيتي فرحانة بابا فهم وقال سكوت علامات رضى وبدات المرة كتزغرت بابا تافق مع أمين الأسبوع جاي نديروا الخطوبة ونعقدوا والعرس بعد شهر من كتب الكتاب أمين وافق علامي يفرش حتى هو دار حيت ياله شراها جا نهار ديال الخطبة وكنت خايفة بزاف ومتوترة المهم مشيت عند الكوافورة أنا وهدى وتقاديت مزيان وهدى قالت ليها درلي شي مشطة زوينة ولكن أنا رفضت وقالتليها درلي الحجاب صافي صالينا وجا بابا يديني من صالون لدار شافني بابا عروسة كاملة وبقى كايبكي وحتى انا كنبكي معاه صافي عنقني وشدني فنيفي وقالي زيدي الكتكوتة ديالي مشينا ولبسنا الخواتم ودرنا شريب الحليب من بعد خرجنا ومشبنا المسجد لحدا دار وجا العدول وعقد القران ديالنا وداز كتب الكتاب في أحسن الأجواء لكن أنا قبل قلت لبابا أني بغيت فصدق ديالي صورة النساء ونور ومابغيتش لفلوس بابا قالها لأمين ونهار كتب الكتاب مني بغا يقول العدول صدق ديالي كل شي دار عندو وهو يسمعوا ليه كيقول سورة النور والنساء و3مليون مقدما ومو أخرا كل شي تصدم وحتى أنا براسي تصدمت حيت ماشي على هادشي تافقنا لكن ماعلناش أمين اليوم ولا راجلي وحلالي مشينا الدار درنا حفلة كبيرة في القاعة من بعد مارفضت حيت أنا كنت بغيت ندير غاحفلة صغيرة ولكن بإصرار الأب ديالي الكبير وحيت أنا بنتو الواحيدة بغى يفرح ويكبر بيا وافقت درناها بقيت انا كنبقى غانلبس كسوة موراه كسوة وكانتصوروا تقول هادة عرس ماشي خطبة صافي تعشاو ناس وأمين ستغل الفرصة مني كنت فالبيت كنبدل حوايجي جا لعندي وأنا نقوليه أمين أش جاي دير هنا هو يقولي جاي نشوف حبيبتي عندك شي مانع انا لا المهم قرب عندي وبدينا العمل تاني ههه بقى غا كيبوس فيا وهاد الخطرة بالإرادة ديالي حتى أنا حيت ولا راجلي وحلالي شوية الباب بدا كيدق فيه شواحد  شا أمين حل الباب من بعد ماقاديت انا حالتي كان لكيدق بابا دخل وجا لعندي وعنقني وقالي دابا أنا رتاحيت حيت خليتك بين إيدين أمينة وهو يقولي أنا دبا ممكن نموت وانا مرتاح انا سمعت الموت وسديت ليه فمو وعنقتو وبقيت كنبوس فيه وكانقوليه حياتي بلى بيك أبابا ماتسوى والو اهئ اهئ اهئ بابا بدا كيسكتني وكيهرني باش نسكت من البكى ونبقى نضحك وانا صافي ابابا راه مافيا ليزيد إضحك باب عنقني تاني ههه رجعناها مسلسل مكسيكي هه وباسني فراسي ويقى شاد فيا شحال وعيط لأمين ودار إيدي فيد أمين وقاليه انا عطيتك قرة عيني عندك تخسرها ولا تبكيها حيت بنتي انا تربت كي الأميرة مدللة ومعززة من صغرها ماتحاولش تقلقها شي نهار ولا غادي تلقاني انا واقف قدامك كنحاسبك أمين واعد بابا وقاليه بلي هيا حبيبتي وأنحطها تاج فوق راسي وأنعيشها أحسن عيشة وعمري مانحرمها من شي حاجة من بعد مصالينا مشينا لدار أنا وبابا وذخلت انا لبيتي نرتاح حيت عيت وأمين قرر إمشي لدارنا المستقبلية انا وياه إنعس فيها حسن بابا مشا لبيتو ونعس وانا طحت كومة حتى الغد ليه مع 2دنهار عاد فقت..فقت ونزلت لقيت بابا باقي مفاقش توضيت صليت او وجدت العذا وعيطت لبابا لكن والو مابغاش إفيق قربت لعندو وقستو لقيت الحرارة ديالو طالعة بزاف انا خفت عليه وعيطت الأمين وجا عندي ذغية وديناه لطبيب وخرج ليه شي دواء ودار شي تحاليل وقالينا من لهنا 15يوم نرجع باش ناخدهوم مشينا لدار ودوشت لبابا بالماء البارد باش تخف حرارتو وعطيتو ياكل وعطيتو دواء ديالو شربو وهو رجع نعس وأنا نزلت نجلس مع أمين بقينا انا وأمين كنهدروا فبزاف ديال لحوايج واخا هكاك كان بالي مشغول على بابا حيت أول مرة نشوفو بديك الحالة أمين كيحاول إضحكني وينسيني شوية..ولكن بدون فايدة صافي ناض امين مشا وانا طلعت نعست حدا بابا وبقيت حداه حتى صح وتشفا ورجعت ليه صحتو وفرحت بزاف دازت 15يوم وأنا نسيت بلي خاصني نمشي نجيب تحاليل لكن بابا مشا جابهم وخبرني بلي تحاليل مزيانين واخا حسيت بيه مخبي شي حاجة عليا والحقيقة هيا بابا مريض بسرطان دم ومابغاش إعلمني باش مانخافش عليه وصلات تاني القراية وقرارنا انا وامين نأجلو لعرس حتى لصيف حيت أنا كنحماق على صيف بزاف أمين وافق حيت مايقدش إرفض ليا شي طلب تمة ياله كملت17سنة وطلعت الأولى بكالوريا وأمين ماجانيش هاد العام دازو ليام وكنت راجعة لدار فرحانة حيت دوزت إمتحانات مزيان رجعت لدار لقيتها عامرة بناس انا مافهمة والوو.  بقيت كنسلم عليهم ونضحك معاهم صحابلي جاو يباركو ليا أنا وأمين حتى ولوا كيجيو عندي ويقولو لي الباركة فراصك أبنتي الله يصبرك على فراقوا ويجعل مثواه الفردوس الأعلى كان راجل مزيان والله يعمرها دار انا مافهمت والو وبقيت كنسولهم على من كتهدروا شكون هذا لمات شوية رجلي كيتقالو عليا وقلبي ضاق بيا وتفكرت بابا وانا نمشي كنجري عندو البيت والصدمة هو لقيت بابا حبيبي ناعس كي شي ملاك ومغطينه بغطاء ابيض انا تصدمت وعاد فهمت بلي روحي وحياتي بابا مات وخلاني.انا بقيت غا كنشوف فيه تصدمت بزاف حتى ماعرفتش شنو ندير بغيت نغوت وبغيت نبكي ولكن والو ماقديتش الهضرة مشات ليا مبغاتش تخرج والناس كيصبروا فيا وكيحاولو يهدروني ولكن انا والو رجعت كي أصنام جسد بلى روح.عيطوا على أمين وجا كيجري وتصدم مني لقاني فديك الحالة وتضايق بزاف وكيحاول إهدرني وهو كيبكي هناء هناء قولي شي حاجة هدري مالك ساكته انا كلمة وحدة بقيت كانقولها تمه ولي هيا خاصني نوجد الماكلة البابا غادي يجي من الخدمة ويكون فيه جوع بقيت أنا غا كنردد هاد الكلام وأمين مصدوم حيت عرف بلي ماستوعبتش بلي بابا مات وإلى مابكيتش حالتي أتزيد تعقد وترجع حارجة دازت 3أيام على وفاة الأب ديالي وانا فنفس الحالة ماكنهدرش أمين داني عند طبيب ولكن بدون جدوى أنا بقيت كنردد بابا فيك جوع بابا الكتكوتة ديالك وجدتلك الغذا أمين ماتحملش إشوفني فديك الحالة وخرج بزربة وهو كيبكي من بعد مارجعنا لدار أنا مازالة مصدومة والماكلة ماذقتهاش هادي 3يام وحتى الماء ماعنديش فين إدوز امين كيحاول معايا ولكن أنا بقيت على حالتي.دازت دابا 25يوم على الجنازة وانا مازالة مصدومة والماكلة ماعمري ذقتها وسبحان الله بلي بقيت عايشة هاذ المدة كاملة بلى ماء وبلا ماكلة جات هدى عندي وبقات كتحاول معايا ناكل ولا نهدر ولكن والو امين تعصب وجا عندي وبقا كيغوت عليا وكيصرفقني فوجهي وهو كايقول بلغوات واش مابغيتيش تفهمي باباك راه مام مات أهناء فيقي باركك من نعاس راه باباك مابقاش أيرجع أنا من بعد ماضربني وقالي هاذ الكلام عاد ستوعبت شنو وقع وعاد تقبلت بلي بابا مات.كانت صعيبة بزاف خصوصا أول مرة نجرب نشوف الموت ديال شي واحد قدامي من بعد ماما فاش كنت صغيرة انا وليت كنبكي اهئ اهئ اهئ ونغوت ونضرب راسي وكانقول بجهد الله على بابا حبيبي مشا وخلاني اهئ اهئ الله على كبدتي سمح فيا ومشا ابابا رجع ودي الكتكوتة ديالك فين مشيتي وخليتيها اهئ اهئ امين وهدى كيحاولو إصبرو فيا  أنا ماعقتش براسي حتى فقت ولقيت راسي فواحد البيت وهدى واقفة وأمين جالس وشاد فيدي انا من بعد ماشفت سيروم لمعلق فوق راسي عرفت بلي راني فسبيطار وشوية بقيت كنهذر وكانقول أمين شنو وقع أمين فرح مني اخيرا هدرت معاه وقالي بلي سخفت وجابوني لسبيطار وبلي طبيب قاليهم هادشي وقع لي حيت شحال هادي ماكليتش وبلي الأعصاب ديالي توترات مؤخرا داكشي علاش سخفت.بقيت أسبوع في المستشفى حتى نهار ثامن جا أمين وداني لدار ديالنا ليشرى وتشكرتوا بزاف على هاد ليام كاملة لدوز معايا هو عنقني وقالي بلي كايبغيني وميقدرش إبعد عليا أنا قررت نسى هادشي لوقع وكملت قرايتي أنا وشديت أولى بكالوريا بنقطة مزيانة وأمين فرح ليا بزاف وحتى أنا واخا الفرحة كانت ناقصة حيت مكانش بابا حاولت نخبي لكن أمين عرف شنو كاين وصل صيف ومشينا عطلة لتطوان حيت من نهار تزوجنا مامشينا حتى لشي بلاصه بقينا شي يامات فتطوان من بعد مشينا لإفران وبقينا فيها15يوم رجعنا لدارنا انا وأمين ومن بعد شوي انا وليت كنحس بدوخا ومعدتي مقلوبة عليا وغا كنرد ومقداش نتحرك شوية أنا نسخف جا أمين لقاني سخفانة هزني البيت وجابلي نشرب كان باغي يديني عند طبيب ولكن أنا رفضت حت قلتليه غا لعيه ديال طريق هذا أنا شفت هاذ الأعراض ولوا كيزيدو فيا ومشيت عند طبيب وخبرني بلي أنا حاملة بالاسبوع سادس انا فرحت بزاف وتوجهت المقبرة لقبر بابا وخبرتوا هو الأول وبقيت ندعي ليه ونقرا عليه القرأن نهار كاملة من بعد كانت الوجهة ديالي داري باش نخبر أمين بالخبر المفرح..امين فراح بزاف مني أيولي أب وبقى كينقز ويهز فيا بحال شي حمق... صافي دازو ليام او كملت 8شهور ورجعت ثقيلة بزاف او كرشي واصلة فمي وأمين دار ليا خدامة لدار حيت وليت مقاداش نتحرك بسبب الحمل أمين ولا كيرجع هاد ليامات لدار معطل حسيت بيه خابي عليا شي حاجة مهمة ومابغنيش نعرفها حتى الواحد نهار كنا جالسين  حتى تيلفون ديالوا كايصوني وكاتجيه رسائل عديدة أنا شكيت فالقاضية.أمين ولا حمر بحال مخبي شي حاجة عليا مابغانيش نعرفها هو خرج بزربة من دار بلى مايقولهالي وانا هنا فاش زدت شكيت وتأكدت بلي كاينة شي حاجة وتبعتوا حتى كنشوفوا دخل لواحد دار انا تسنيت شوية باش إخرج ولكن تعطل حتى ماقديتش نصبر ومشيت لديك دار بغيت ندق الباب حتى كلقاه محلول انا دخلت بلى مانتردد وبديت كنسمع شي بنت كتقول كنبغيك أمين ماتخلينيش قربت وأنا نشوف شي وحدة كتبوس فيه وهو كيدفعها انا ماستحملتش وغوت أمين جاي عندي بزربة هناء هناء ماتفهميش غلط هادي راها مريضة شوية وهي ديما لصقة فيا وأنا جاي نوضعها عند حدها هناء جوبني ماتبقايش ساكتة أنا ماقديتش نبقى فديك دار وماعقتش براسي حتى دفعت أمين وهربت.خرجت من دار وأنا كنبكي اهئ اهئ ونجري نسيت بلي راني حاملة وأمين موراية هناء هناء.. ماعقتش بشنو وقع ليا موراها حتى لقيت راسي فالأرص وكلي دميات وأمين شد ليا راسي وكيبكي وكيغوت عيطو الإسعاف.ولي وقع ليا هو أنني مني كنت كنجري دخلات فيا طوموبيل كانت غادية بسرعة.مول طوموبيل هرب وأمين كيطلب مني نسمحو وكيقول انا هو سبب كون ماجيتش كون ماوقعش هادشي انا بتسمت إبتسامة من قلبي وقلت ليه بلي سمحتو وبلي كنبغيه وقلت ليه بلي ماشي هو سبب وبلي هذا قضاء وقدر مكتوب علينا نعيشوه.أمين عرف بلي هادي هي نهاية قصتنا وعرف بلي هادي أخير مرة يشوفني صافي أنا عيني تغمضوا.أمين تصدم وشاد ليا وجهي وهو كيقول بلغوات هناء فيقي ماتمشيش وتخليني ماتمشيش وتسمحي فيا نتي ولدنا لباقي ماتزادش الدنيا هناء فيقي ولكن للأسف كانت هاديك هي نهاية ديالي أني نموت فنفس نهار فاش تزدت فيه ((اه داك نهار كان عيد ميلادي وكملت فيه 18سنة ومن فوق كنت قريبة نولد ولكن هذا هو المكتاب اني مانجربش كلمة الأمومة ونموت انا ولدي فنفس اليوم)) أمين حماق وبقى فديك الحالة طول حياتو وكلمة انا سبب أنا لقتلت مراتي ولدي عمرها خرجات من فمو.أنا هاكة كانت قصتي ونهايتي أنا و حبيبي أمين.وهاكة تبدلات حياتي من بعد ماطلعت لثانوي وهاكة حياتي تحولات من فرحة لحزن وهاكة كانت **** نهاياتي وجنون حبيبي**

النهاية**